Сэтгэлийн тэнхээтэй мод

Газар хөдлөлт, цунамигийн гамшигийн голомтод байрлах хамгийн ихээр сүйдсэн хотуудын нэг нь Рикүзэнтакада хот юм. Далайн эргээр 2 км орчим үргэлжлэх энэ хотын наран шарлагын газар жуулчдын сонирхолыг багагүй татаж өнггөрсөн жил л гэхэд 1 сая илүү хүн ирж амарч байсан байна. Харин наран шарлагын газрыг чимж, хотын бэлэг тэмдэг болж байсан 70 мянган нарс модноос цунамигийн дараа цорын ганц нь "сэтгэлийн тэнхээ"-гээрээ гамшигийн хүчийг даван тэсч үлджээ. Хотын иргэд уг модонд итгэл найдвараа шингээж, гамшигаас ангижирч сэргэх урам зориг авч байгаа юм байна. Хотын захиргааны хүсэлтээр Хөдөө аж ахуй, ойг хөгжүүлэх төвийн мэргэжилтнүүд шалгаж үзэхэд "сэтгэлийн тэнхээ"-тэй нарс 30м өндөр, 84см бүдүүн бөгөөд хөрснөөс 80 см хүртэлх хэсгийн холтос цунамигийн нөлөөгөөр халцарч гэмтсэн байна. Мөн модны эргэн тойрон далайн ус тогтсон байгаа нь үндсийг ялзруулж модыг үхүүлж магадгүй юм. Юутай ч далайн ус орж ирэхээргүйгээр хаалт хашилт хийж цаашид байдлыг харж байхаар шийдсэн гэнэ. 

Сүүлчийн навч

Бас нэгэн хуулбар

Бас нэгэн хуулбар олсоноо маркетчиний мөрөөдлийг дууриаж оруулав.

Хамгийн хөгжилтэй, хурдасгасан видео бичлэгүүд

1. Нэгэн залуу цахилгаан шатанд түгжигдээд бараг 2 хоносон байх юм. Камерийн бичлэг болон аваарын зориулалттай утасны дуудлагыг хэн нэг нь сонсоогүй, мөн бусад цахилгаан шатнуудыг засварлаж байсан хүмүүс анзаарахгүй байна гэж баймааргүй учир залуу сайн дураар түгжигдэж бичлэгийг зориудаар хийсэн байх хэмээн дүгнэв.

2. Далайн боомт дээр контейнерүүдийг усан онгоцноос буулгаж ачих, шилжүүлэн зөөх үйл явцыг хурдасган харуулжээ. Хүүхдийн тоглоом ч юм шиг...

3. Нэгэн залуу амьдралынхаа 17 жилийн турш авсан зургуудаа эвлүүлэн бичлэг хийсэн байна. Ийм төрлийн бичлэг цөөнгүй байдаг боловч энэ удаагийнх бусдаас ялгарах онцлогтой бас сонирхолтой болжээ. Зургуудыг эргэлдэж байгаагаар харуулахын тулд ямар арга ашигласныг анзаараарай.

4. Сүүлчийнх нь буюу хамгийн хөгжилтэй нь. 9 сартай мөлхөө жаалын хагас өдөр хийсэн жаран чавганцын ажлыг хурдасган харуулсан байна. Нэг ч удаа тоглоомноосоо сатаарч хөндийрөөгүй, өлсөж эсвэл аав ээжээ дуудаж уйлаагүйг бодоход шинэ тоглоомуудаараа анхны өдрөө тоглож байсан юм болов уу.